Fahad Ali Janwari, Profile, Sindhi

To be checked

By line not written 

پروفائيل : حسام الدين ميراڻي

پني عاقل جي ننڍڙي ڳوٺ چندن مياڻي ۾ پروفيسر سڪندر علي ميراڻي جي گھر ۾ جنم وٺندڙ حسام الدين

ميراڻي بنيادي تعليم ڳوٺ جي اسڪول مان حاصل ڪئي، 1996ع ۾ پرائمري تعليم حاصل ڪرڻ کان

پوءِ پنو عاقل جي سٽي اسڪول مان مئٽرڪ ڪرڻ بعد 2001 حاصل ڪري پنوعاقل جي ڪاليج مان

ئي 12 ھين درجا پاس ڪيا، حسام الدين ميراڻي ننڍپڻ کان ئي آرٽ ۾ دلچسپي رکندڙ ھيو، بنيادي تعليم

کان انٽر تائين ھو آرٽ جي سرگرمين ۾ حصو وٺندو رھيو، 

ھن جو آرٽ سان لڳاءُ تمام گھڻو ھجڻ

ڪري 12 درجا پاس ڪرڻ بعد 2009ع ۾ مهراڻ يونيورسٽي جي سينٽر آف ايڪسيلنس ان آرٽ اينڊ

ڊزائين ۾ انٽري ٽيسٽ ڏيڻ بعد فائن آرٽ شعبي ۾ سليڪٽ ٿي ويو، ڇا ڪاڻ تھ ھر ماڻھون اندر ھڪ

آرٽسٽ موجود ھجي ٿو پر ھر انسان پنھنجي اندر جي آرٽسٽ کي ظاھر نھ ڪري سگھندو آھي پر ھن

نوجوان پنھنجي اندر جي آرٽسٽ کي جاڳائي پنھنجي صلاحيتن کي اجاگر ڪيو، دنيا اندر اھي آرٽسٽ ئي

آھن جيڪي رنگن ذريعي سماج جي عڪاسي ڪن ٿا، جڏھن جديد دور نھ ھيو تڏھن پڻ اھي آرٽسٽ ئي

ھوندا ھيا جيڪي رابطن جي بحالي يا ٻولين کي سمجھڻ لاءِ پنھنجي آرٽ جي مھارت سان ڪندا ھيا،

حسام ميراڻي جو آرٽ سان ايترو تھ لڳاءُ ھيو ۽ ھن جي مسلسل جستجو جي ڪري ھن بيچلر آف آرٽ

جي ڊگري پهرين پوزيشن ۾ ماڻي سلور مڊل پنھنجي نانءُ ڪري ورتو، پر پوءِ بھ جھڙو ھُن پاڻ کي

نامڪمل سمجھو ٿي ۽ ھن پوءِ اسلام آباد جي فائونڊيشن يونيورسٽي جي ڪميونيڪشن شعبي مان

گرافڪ ڊزائن ۾ ماسٽرز جي ڊگري حاصل ڪري ڊجيٽل آرٽسٽ طور بھ پاڻ مڃرائي ورتو، جنھن بعد

ھن سنڌ يونيورسٽي ۾ نوڪري لاءِ اپلائي ڪيو سندس قابليت تحت ميرٽ تي سنڌ يونيورسٽي جي آرٽ

اينڊ ڊزائن شعبي ۾ ھڪ استاد طور مقرر ٿي ويو 

پروفيسر حسام الدين ميراڻي نوڪري دوران ئي سنڌ

يونيورسٽي جي آرٽ اينڊ ڊزائين شعبي مان ايم فل آرٽ سان لاڳاپيل هڪ موضوع “پبلسٽي ڊزائين ان

سنڌ” تي ڪئي آهي، جنهن ۾ هن مقامي پينٽرن جي باري ۾ تحقيق ڪئي ته سندن ڪم ڪهڙي طرز جو

آهي، سندن فن نسل در نسل ڪهڙي طرح منتقل ٿئي ٿو ۽ اهي پينٽر پنهنجي فن ۾ ڪھڙي قسم جون

ٽيڪنيڪ استعمال ڪن ٿا، آرٽ سان لاڳاپيل شين جي تشهير ۽ مشهوري ڪئين ڪن ٿا؟ هي هڪ تمام

وڏو موضوع ھيو جنهن تي اڃان وڌيڪ تحقيق جي ضرورت ھئي، انهيءَ موضوع تي اسسٽنٽ

پروفيسر حسام الدين هڪ ڪتاب به لکي رهيو آهي، جنهن ۾ لوڪل پينٽرن جي زندگي بابت تحقيق

.شامل هوندي

پروفيسر حسام الدين ميراڻي جو آرٽ بابت چوڻ آھي ته ماضي ۾ سنڌ ۾ آرٽ کي هميشه مٿانهين حاصل

رهي آهي، جنهن ۾ نواڻ/ جدت آڻڻ جي ضرورت آهي. آرٽ کانسواءِ دنيا ۾ ڪابه شيءَ رهي نٿي

سگهي، پنهنجي روز مرهه جي هر هڪ لمحي ۾ آرٽ سمايل آهي، ڪپڙا، ٿانو، جتيون، ڀتيون، ماڳ

مڪان مطلب هر اها شيءَ جنهن تي اسانجي نظر پوي ٿي، اها هڪ آرٽسٽ ئي پنهنجي فن مان ٺاهي

سگهي ٿو، ٻاهرين ملڪن ۾ آرٽ جي شعبي کي تمام گهڻي پذيرائي حاصل آهي پر پنهنجي سماج ۾ ان کي

تمام گهٽ پذيرائي حاصل آهي، ڇاڪاڻ ته اسانجو سماج آرٽ کان اڻ واقف آهي. هتي جا ماڻهو اڻڄاڻائي

۾ هر شعبي ۾ آرٽ ڪري رهيا آهن پر کين انهي ڳالهه جو احساس نه آهي، جڏهن ته ترقي يافته ملڪن

جي ماڻهن کي ان جي اهميت جي خبر آهي. اسانجي معاشري ۾ 80 فيصد ٻار آرٽ جي شعبي ۾ اچڻ

چاهين ٿا پر هن سوسائٽي ۾ آرٽ جو ايترو معيار نٿو ملي. آرٽ جي شعبي ۾ جيڪي ۾ دلچسپي رکندڙ

پيغام اهو آهي ته جنهن به شعبي ۾ اوهان جي دلچسپي هجي اهو اختيار ڪيو.

پروفيسر حسام ميراڻي شاگردي واري دور ۾ شاگردن جي حقن جي حاصلات لاءِ شاگرد اڳواڻ طور پڻ

پنھنجي صلاحيتن کي استعمال ڪندي شاگردن جي مسئلن لاءِ آواز اٿاريو ۽ شاگردن جا ڪيترائي مسئلا

حل ڪرايا، ھن وقت بھ حسام ميراڻي شاگردن جو ڀرجھلو ٿي بيھي ٿو.

Key words: Hassam Mirani, Art, CEAD, Artist, Pano Aqil, Digital Artist, Fahad Ali Janwari,  

The practical work is carried under supervision of Sohail Sangi, 

at Media and Communication Department, University of Sindh

#FahadJanwari,